在這連續兩星期的總會教友大會同支聯會教友中吸引了好多養份。
成日都話返教會比返工更累 ...
因為在短短的數小時內，我地不停地吸收來自神、來自領袖既信息；
但就係因為這些信息同教導，我地既靈性不斷咁成長 ...
唔好睇我畫到花碌碌，其實我係有聽領袖既說話，
而且有做記錄 ... 以前我都只係聽，唔會做筆記，
但當抄低既時候，這些信息會令我更有印象。
今日有人同我講：
「你鋼琴老師做左支聯會會長，咁你學學下琴時，佢可能會有野搵你幫手做。」
哈，這件事其實一早已發生了；但我從來都冇拒絕過 ...
雖然有時真係好累好累，係召喚方面我已經係司琴同女青秘書，
自己支會已經有好多野要去幫手，仲要做埋支聯會既野，其實係辛苦的。
我當然有抱怨過讀設計的並唔只我一個，點解成日要我負責有關美術設計既野，
但係我知道我會在這些服務中得到進步同快樂。
就好似這個教友大會，我幫手做了海報和印了九百張印有開會時間的卡片，
製作其實好易，但過程係困難，三個會長都有唔同意見或更改，
改左好多好多次先可以印出來，當中我學習到忍耐，
當我睇到每一個人手持著自己做東西時，真係開心的。
另外，練歌又係 ... 練得多真係唔想練的，我仲要幫手做司琴，幫手伴奏；
一個人真係唔知點分身去做 ... 更加想逃避唔去練歌，早一點返屋企；
但最後，我都選擇左練歌，遲一點才返屋企；
我知道如果每個人都有這個想法唔出席練習，獻詩時一定會成功，
指揮付出左好大的努力，但唱既人唔去付出少少，其實都係冇用。
我每次都好鐘意聽王會長的講道，好鐘意聽佢講故事。
我記得我洗禮無耐，見到王會長，佢叫我果刻，其實我唔知佢係邊個 ...
到之後教友大會我聽到佢講故事好吸引，我好留心去聽。
有次學琴係鄭會長屋企見到王會長，果時佢幫緊鄭會長整門鎖，
我仲笑佢係萬能。確實佢真係一個好叻既領袖，佢仲俾左我好多機會去學習。
佢件衫整到一大達污積，又唔想浪費件衫，叫我幫佢畫一些東西係件衫上面，
我好驚畫得唔好，所有用盡方法清潔衫上既污積，
我拖左差不多一年先還返件衫俾佢，但佢冇怨過我咁耐，怕我會好忙麻煩我；
仲係我生日送左件BYU HAWAII T-SHIRT 俾我感謝我幫佢，哈！其實係我唔好。
佢仲講笑話，我學習到點樣洗衫，話我第時係個好太太。哈哈 ...
佢仲俾機會我去代表成個支聯會同全港既支聯會開會有關家譜展既設計事情，
開會既時候，全部人都係一些高級既人，主教、支聯會會長、仲有七十員；
我只係一個二十出頭既妹妹仔，對住佢地present 當時都好驚呆晒，
但這個經驗真係好難得 ... 我亦學習//見識到好多。
佢琴晚再次講到 好、更好、最好 這個講道，
「我地需要去放棄一些好的事情，來做其他更好或最好的選擇。」
我記得有一次教友大會
當中佢講到唔好去拒絕召喚，咁岩果日我接見有一個新既召喚，
就係兒童會指揮；其實果時我完全唔識指揮，原本想拒絕，
但我記得呢句「唔好去拒絕召喚」，所以我接受左呢個召喚。
其實我本身唔想做司琴，我連自己練琴既時間都冇，仲要抽時間練詩歌，
加上我彈得唔好拍子又差又細膽，唔敢對住咁多人彈，初頭我真係成日彈錯，
我感謝今日我有機會係教友大會做司琴，未試過係咁多人面前彈琴 ...
但就係呢個召喚中，我知道我進步左好多。
我知道召喚同服務真係幫左我好多，
當我以為得我一個人既時候，當我開始想失落既時候，
就係召喚同服務拉返我上黎，我知道我係神手中的工具，
如果我全心去服務，投入主既事工，有一定會祝福。
孟蓀會長係今次總會教友大會講到：
「係生活中，會遇到黑暗既時候，有時可能會好黑好黑睇唔見一點光，
天父亦唔會每一次都幫到我地，但佢會用佢最大既愛去安慰我地。」
要記住，
祝福係我地付出努力之後才會臨到我地身上。
